Ирските рок легенди U2 ќе објават книга во која ќе ги документираат случувањата и сите рекорди од нивната последна концертна турнеа 'U2 360°'. "U2360: The Official Story of the Greatest Spectacle in Stadium-Rock History" ќе биде насловот на книгата која ќе ја напише Dylan Jones, уредникот на GQ магазинот. Тој ќе ја донесе приказната за бендот, локациите, огромните сцени заедно со досега необјавени фотографии. Секако во целиот проект ќе учествуваат и самите членови на бендот како и менаџерот Paul McGuiness. U2 турнеата ја започнаа на 30 јуни 2009 во Барселона, а ја завршија на 30 јули оваа година во Канада, заработувајќи вкупно околу 737 милиони долари.